November 3, 2011

පුංචි කතාවක් ...

පුංචිම පුංචි කතාවක් මතක් වුනා. අද ඉතිං වැඩත් අඩු එකේ ලියන්න කියලා හිතුනා. තනියම ඉන්න නිසා හරිම කම්මැලියි. 

ඔන්න එක ගොවියෙක්ට තිබුණලු කුකුල් ගොවිපලක්. ඉතිං මේ ගොවිමහත්තයා තමන්ගේ මේ ගොවිපල කරගෙන ඉන්නකොට දවසක් හදිසියෙම කට්ටියක් ආවලු මේ ගොවිපල බලන්න. ඉතිං ඒ ආපු අය ගොවිපල බලලා අන්තිමේදී ඇහුවලු ගොවි මහත්තයෝ මොනවද මේ කුකුල්ලුන්ට කන්න දෙන්නේ කියලා. ගොවිමහත්තයත් ඉතිං ඇත්තම කියලා. ආයෙ ඉතිං අමුතුවෙන් දෙයක් දෙන්නෑ. ඔය අපි කාලා ඉතුරැ වෙන පාන් බත් ටිකක් එහෙම දෙනවා කිව්වලූ. ආපු අය ඒ ගමන කිව්වලු ආ අපිමේ සත්ව හිංසා සංවිධානයෙන් ආවේ සත්තුන්ගෙන් ජීවත් වෙන ගමන් උන්ට හරියට සලකන්නේ නෑ කියලා එදා ඒ ගොවිමහත්තයට ලොකු දඩයකුත් ගහලා යන්න ගියාලූ.

අනේ ඉතිං මේකෙ දුකින් ඉන් මේ මනුස්සයා තමන්ගේ ගෙවිපල කරගෙන යද්දී ආයෙම ආරංචියක් ආවලු ගොවිපල බලන්න කට්ටියක් එනවා කියලා. ගොවි මහත්තයා හිතුවලු එද්දෙන්කෝ මේපාර මං කියන්නම් කියලා හොදට කියන්න ඕන දේවලුත් හිතාගෙන සූදානමින් හිටියලූ. ඔන්න බලාපොරොත්තු වුන විදියටම ඒ අය ආවලූ. ඉතිං මේ අය හැමතැනම පරීක්ෂාකරලා අන්තිමේදී ගොවිමහත්තයගෙන් ඇහුවලූ මොනවද ඔබතුමා මේ කුකුල්ලුන්ට කන්න දෙන්නේ කියලා. ගොවිමහත්තයත් ඒක අහපු ගමන්ම ආයෙ ඉතිං පාඩන් කරගෙන හිටිය මුළු ලිස්ට් එකම කිව්වලු. උදේට කිරි වීදුරැවක් දෙනවා කිව්වලූ. තව හැම් , චිකන් ඔය විදියට රටේ නැති සුපිරි ආහාර ලැයිස්තුවක් කිව්වලූ. ඒ මදිවට සැන්ට් පවුඩර් දාලා හොදට නාවනවා කියලත් කිව්වලූ.  මොනා කරන්නද නරක වෙලාවනේ මේ ගමන ඇවිත් තියෙන්නේ ආදායම් බදු එකෙන්. ආ කුකුල්ලුන්ට ඔහොම සලකන්න පුළුවන් ඉතිං සෑහෙන්න ආදායමක් ලැබෙනවා ඇති නේද?ඒත් තමුන් බදු ගෙවන්නෙ නෑ කියලා එදා කලින් ගහපු දඩේට වඩා සෑහෙන්න ලොකු දඩයක් ගැහුවලූ.

 දැන්නම් ගොවිමහත්තයාට හොදටම කේන්තිලූ වෙච්ච දේට. මොනවා කරන්නද කියලා හිත හදාගෙන මාස ගානක් ඉන්න කොට කලින් වතාවල වගේ ආයෙම ආවලූ ගොවිපල බලන්න. ඉතිං මේ ගමනත් බලලා ඉවරවෙලා සුපුරැදු ප්‍රශ්නයම ගොවිමහත්තයගෙන් ඇහුවලූ. දැන් ඉතිං ගොවිමහත්තයා සෑහෙන්න මේ ප්‍රශ්නෙන් මට්ටු වෙලා ඉන්න නිසා ගොවිමහත්තයා " අනේ මහත්තයෝ වෙන ඕන ප්‍රශ්නයක් අහන්න උන්ට කන්න දෙන්නේ මොනවද කියල නම් අහන්න එපා මම ඕක නිසා ලක්ෂ ගානක් දඩකාලා ඉන්නේ දැන් මං හැමදාම උදේට හැම එකාටම රැපියල් 100 , 100 දෙනවා උඹලට කැමති දෙයක් අරන් කාපන් කියලා" කිව්වලූ. 

15 comments:

  1. මොකක්.......හූ...මරු කුකුල්ලු හැදිල්ලනේ

    ReplyDelete
  2. @ අක්කා (දිල්)
    මෙන්නෝ කුකුල් ගොවිපලට නරියෙක් ඇවිල්ලෝ......

    ReplyDelete
  3. @ අයියා (මාර)
    මරැ හිනාවනේ අයියේ. ලබන අවුරැදු උත්සවේට ගියොත් දිනන්න තිබුනා. :D

    ReplyDelete
  4. එහෙනම් ඉතින් කුකුළන්ගෙන් අහන්න ඕන උඹලා මොනවද කන්නේ කියලා...

    ReplyDelete
  5. හි හි නියම කතාව බට්ටි....

    ReplyDelete
  6. හික්ස්..... මං නම් ඔය කතාව අහලා තියෙනවා. අන්තිමට ආවෙ කොහෙන්ද දන්නෙ නෑ නේද???

    ReplyDelete
  7. අන්තිමට ආපු කට්ටිය තව දඩයක් ගැහැව්වලු, කුකුල්ලුන්ට අඩු පඩියක් ගෙවනව කියල. එයාල කම්කරු දෙපාර්තමේන්තුවෙන්ලු.

    ReplyDelete
  8. @ Dinesh
    හේ හේ ඒක ඉතිං කරන්න පුළුවන් වැඩක්ද?

    ReplyDelete
  9. @ සයුරි
    බලන්න සයුරි මං මේක අපේ ගෙදර අයට කිව්වා එයාලා කියනවා කිති කවාගෙනවත් හිනා වෙන්න බෑ කියලා.

    ReplyDelete
  10. @ නිසුපා
    අනේ දන්නේ නෑ මාත් මේ කල්පනා කරන්නේ ඒක තමයි.

    ReplyDelete
  11. @ Observer
    අම්මෝ ලොකු උදව්වක්නේ කරේ මට මේ කතාවේ අගටික ගොතා ගන්න බැරැව හිටියේ.

    ReplyDelete
  12. මරු කතාවක් නේ. හික්ස් :)

    ReplyDelete
  13. මං එහෙම හිටියනම් කියන්නේ
    "අනේ මහත්තයෝ අපිට ආධෘරයක් දීල යන්න" කියලා :D :D :D :D :D

    ReplyDelete