දෑස වසා ගමි ඔබ නොපෙනෙන්ට...

දෑස වසා ගමි ඔබ නොපෙනෙන්ට...
සිහිනෙක දැවටී ඔබ එනවා...
හිත හිරකරගමි ඔබට නොයෙන්නට..
සිතුවිල්ලක් වී ඔබ එනවා...

අහසට ඔසවන විටකදී නෙත් යුග...
හිරැ සදු වී ඔබ හිනැහෙනවා...
මිහිමත පියකරැ දසුනක් වේනම්
ඔබෙ රැව ඒ තුල දැවටෙනවා...

පාළුව ඉවසා මා තනිවෙද්දී
සුසුමක් වී පසුපස එනවා..
කල්පිත ලෝකේ ගීපොත පෙරළා...
ගීයක් වී ඔබ වැලපෙනවා...

අහසත් පොළවත් ඔබමද මා හට...
නැතිවද ඔබ මා හැර යන්නේ...
තහනම් දේසෙහි බැදි බැහි බිදදා...
කෙදිනද ඔබ මා හමුවන්නේ...

ගායනය - පුණ්‍යා කත්‍රිආරච්චි
පද මාලාව - දයාද අල්විස්
සංගීතය - විශාරද ගුණදාස කපුගේ...